खेलकुद क्षेत्रबाट मुलुकको प्रतिष्ठा उच्च बनाउने खेलकुद मन्त्री केसीको प्रतिबद्धता

खेलकुद क्षेत्रबाट मुलुकको प्रतिष्ठा उच्च बनाउने खेलकुद मन्त्री केसीको प्रतिबद्धता




युवा तथा खेलकुद मन्त्री राजेन्द्रकुमार केसीले खेलकुद क्षेत्रबाट मुलुकको प्रतिष्ठा उच्च बनाउन आफू लागि पर्ने प्रतिबद्धता व्यक्त गरेका छन् । मन्त्रीभएपछि पहिलो पटक मंगलबार  बिहान काठमाडौंस्थित दशरथ रंगशालाको अवलोकन गर्ने क्रममा उनले सो प्रतिबद्धता जाहेर गरेका हुन् ।

मन्त्री केसीले खेलाडीहरुको वृद्धि विकासमा आफूले जोड दिने पनि स्पष्ट पारेका छन् । संचारकर्मीमाझ राष्ट्रिय खेलकुद परिषद्सँग आवश्यक समन्वय गरी खेलकुद क्षेत्रको विकासमा लागि पर्ने उनले बताए । उनले भने, ‘खेलकुद मन्त्रालयको दायित्व खेल क्षेत्रको विकास गरी मुलुकको प्रतिष्ठा बढाउनु हो । ’

मन्त्री केसीले भूकम्पले क्षति पुर्याएका दशरथ रंगशालाको पुनर्निर्माणको कामलाई तीव्र गतिमा अघि बढाउने प्रतिबद्धता पनि व्यक्त गरे ।

प्रतिकृया दिनुहोस

© 2017 Setopati Sanchar Pvt. Ltd.