भरतपुर–१९ मा पुनः मतदानको मितिबारे आयोगले भोलि निर्णय गर्ने


भरतपुर–१९ मा पुनः मतदान गराउन आफ्नो निर्णय सर्वोच्च अदालतको फैसलाबाट सदर भएपछि निर्वाचन आयोगले भोलि पुनः मतदानबारे निर्णय गर्ने भएको छ। आयोग प्रवक्ता सूर्यप्रसाद शर्माले आफूले पनि सञ्चारमाध्यमबाट सर्वोच्चको फैसलाबारे जानकारी पाएको उल्लेख गर्दै भोलि (सोमबार) सर्वोच्चको आदेश अनुसार पुनः मतदानबारे निर्णय हुने बताए।

‘आदेशमा  कसलाई के के गर्नु भनिएको छ अध्ययन गरेर भोलि निर्णय हुन्छ,’ शर्माले सेतोपाटीसँग भने। यसअघि आयोगले  गत जेठ २० गते  भरतपुर– १९मा पुनः मतदान गर्ने निर्णय गरेको थियो।

Share:

प्रतिकृया दिनुहोस

© 2017 Setopati Sanchar Pvt. Ltd.