नेकपा एमालेले विभिन्न जिल्लाका जिल्ला समन्वय समितिमा आफ्नो तर्फबाट उम्मेदवारको नाम तोकेको छ। आइतबार बिहान पार्टी अध्यक्ष केपी शर्मा ओलीको निवास बालकोटमा बसेको स्थायी समिति बैठकले यस्तो निर्णय गरेको सचिव योगेश भट्टराईले जानकारी दिएका छन्।
उनका अनुसार रामेछापको जिल्ला समन्वय समिति प्रमुखमा प्रेमबहादुर खड्का र उपप्रमुखमा दीपा पाख्रिन, रसुवाको प्रमुखमा कुलप्रसाद भट्ट र उपप्रमुख छोपेमा तामाङ्नी, मकवानपुरको प्रमुख रघुनाथ खुलाल, उपप्रमुख भगवती पुडासैनी, भक्तपुरको प्रमुख नवराज गेलाल र उपप्रमुख सरिता कुँवरलाई उम्मेवार बनाउने निर्णय भएको छ।
कालिकोटमा प्रमुख प्रेमबहादुर शाही र उपप्रमुख सरिता आचार्य, जाजरकोटमा प्रमुख गोरे कार्की र उपप्रमुख कमलादेवी शाही, सुर्खेतमा प्रमुख टोपबहादुर राजकोटी र उपप्रमुख दीपा मल्ल, मुगुमा प्रमुख पुर्णबहादुर रोकाय, उपप्रमुख कर्णशिला मल्ल, खोटाङमा प्रमुख बबी चाम्लिङ र उपप्रमुख गोमा खत्री एमालेका तर्फबाट उम्मेदवार बन्नेछन्।
जिल्ला समन्वय समिति इलामको प्रमुखमा गणेश बराल र उपप्रमुखमा चित्रकला बराइली, बझाङको प्रमुखमा खड्गबहादुर खड्का, उपप्रमुखमा भागिरथी अवस्थी जोशीलाई उम्मेद्वार बनाउने निर्णय भएको सचिव भट्टराईले जानकारी दिए। यस्तै, डोल्पामा शेरबहादुर बुढा प्रमुख, सल्यानमा कुलबहादुर गिरी उपप्रमुख, हुम्लामा उपप्रमुख खगेन्द्र कार्की उम्मेद्वार बन्ने भएका छन्।
तालमेल भएका ठाउँमा एमालेले प्रमुख र उपप्रमुख एक पदमा मात्र उम्मेद्वारी दिन लागेको हो। जिल्ला समन्वय समितिको निर्वाचनमा धेरै जिल्लामा एमालेले माओवादीसँग तालमेल गरेको छ। काभ्रेमा भने सिफारिस भएका नामहरूमध्ये जिल्ला नेतृत्वसँग छलफल गरी टुंगो लगाउने जिम्मा प्रदेश नं. ३ का संयोजक अष्टलक्ष्मी शाक्यलाई जिम्मेवारी दिइएको उनले बताए।
https://www.youtube.com/watch?v=6rtZnMhsu5k&feature=youtu.be
