नुवाकोटमा तीन हजार ५०० मतदाता थप

नुवाकोटमा तीन हजार ५०० मतदाता थप


निर्वाचन आयोगले तस्बिरसहितको मतदाता नामावलीका लागि पुनः आह्वान गरेपछि नुवाकोटमा  तीन हजार ५०० भन्दा बढी मतदाता थपिएका छन् ।

यही साउन १ गतेदेखि बिहिबारसम्म तीन हजार ५७७ जनाले तस्बिर खिचाएका छन्, जसमा एक हजार ६०१ महिला र एक हजार ९७६ पुरुष रहेको जिल्ला निर्वाचन कार्यालयले जनाएको छ ।

सदरमुकाम विदुरस्थित जिल्ला निर्वाचन कार्यालयमा मात्र तस्बिर खिचाउन पाइने व्यवस्था गरिएको छ । जिल्लामा मतदाता नामावलीमा नाम समावेश गराउन योग्य भएका, छुटेका र सच्याउन पर्नेको घुइँचो लागेको छ ।

जिल्ला निर्वाचन अधिकारी जनार्दन अधिकारीका अनुसार जिल्लामा १० हजार मतदाता थपिने अपेक्षा गरिएको छ । गत स्थानीय तहको निर्वाचनमा यहाँ एक लाख ८५ हजार ७८२ मतदाता थिए । रासस

Share:

प्रतिकृया दिनुहोस

© 2017 Setopati Sanchar Pvt. Ltd.