जनतालाई स्वच्छ खानेपानी दिने मन्त्री यादवको प्रतिबद्धता 

जनतालाई स्वच्छ खानेपानी दिने मन्त्री यादवको प्रतिबद्धता 


खानेपानी तथा सरसफाइ मन्त्री महेन्द्र यादवले देशभरका जनतालाई स्वच्छ खानेपानी उपलब्ध गराउने आफ्नो प्रमुख लक्ष्य रहेको बताएका छन् ।

खानेपानी तथा सरसफाइ मन्त्रालयमा बुधबार पदबहाली गर्ने क्रममा मन्त्री यादवले संविधानले खानेपानीलाई मौलिक अधिकारका रुपमा समावेश गरिसकेकाले प्रत्येक नागरिकसमक्ष खानेपानी पु¥याउने आफ्नो प्रमुख लक्ष्य रहेको बताएका हुन् । ‘घर, बाटो नभई मानिस थुप्रै दिन बाँच्न सक्छ तर पानी नभए मानिस बाँच्न सक्दैन, त्यसैले खानेपानीलाई आम जनतासमक्ष पुर्‍याउने मेरो मुख्य काम हो’– मन्त्री यादवले भने ।

तरुण दलका पूर्वअध्यक्षसमेत भइसकेका मन्त्री यादवले धेरै रोग खानेपानीका कारण लाग्ने गरेकाले शुद्ध खानेपानी आपूर्ति गर्न मन्त्रालय जिम्मेवार भएर लाग्ने बताए ।  उनले भने– ‘मैले सांसद विकास कोषबाट छुट्याएको बजेट जिल्लाको खानेपानी र सरसफाइका क्षेत्रमा खर्च गरेको छु । संयोगले मैले खानेपानी मन्त्रालयको जिम्मेवार पाएको छु । मिलेर काम गरौँ ।’

नवनियुक्त मन्त्रीलाई स्वागत गर्दै मन्त्रालयका सचिव भीमप्रसाद उपाध्यायले मेलम्चीको पानी उपत्यकामा ल्याउन कर्मचारीले गम्भीर भएर काम गरिरहेको बताएका थिए । रासस

Share:

प्रतिकृया दिनुहोस

© 2017 Setopati Sanchar Pvt. Ltd.