बैतडीका १० वटै स्थानीय तहमा कर्मचारी खटाउने तयारी


बैतडीका १० वटै स्थानीय तहमा कर्मचारी खटाउनका लागि कर्मचारीको विवरण तयार पारिने भएको छ ।

कार्यालय प्रमुखको बिहीबार बसेको बैठकले स्थानीय तहमा कर्मचारी पठाउनका लागि सम्बन्धित विषयगत कार्यालयको समन्वयमा कर्मचारी खटाउने निर्णय भएको प्रमुख जिल्ला अधिकारी तुलसीराम पौडेलले जानकारी दिए ।  यस्तै, जिल्लामा बालविवाह न्यूनीकरणका लागि यसअघि भएका निर्णयलाई कार्यान्वयन गर्दै कानूनलाई प्रभावकारी रुपमा कार्यान्वयन गर्ने निर्णय भएको उनले बताए ।

साथै, वर्षातको समयमा हुनसक्ने बाढीपहिरोका घटनालाई न्यूनीकरण गर्नका लागि आवश्यक पूर्वतयारी गर्नेसमेत बैठकले निर्णय गरेको छ । वर्षातको समयमा सेवाप्रवाहमा समस्या नपर्ने हिसाबले मात्रै कर्मचारी बिदामा वा काजमा बस्न पाउने निर्णय भएको प्रमुख जिल्ला अधिकारी पौडेलले जानकारी दिए। रासस

Share:

© 2017 Setopati Sanchar Pvt. Ltd.