कांग्रेसका तीन कोइरालाबीच भेट


नेपाली कांग्रेसको महाधिवेशन पछि पहिलो पटक तीन कोइराला नेताबीच भेट भएको छ। कांग्रेस महामन्त्री शशांक कोइराला निवास टोखामा भएको भेटमा देशको समसामयिक राजनीति र पार्टी भित्रको आन्तरिक विषयमा छलफल भएको थियो।

महामन्त्री शशांक कोइराला, नेता शेखर कोइराला र सुजाता कोइरालाबीच बुधबार बिहान झण्डै तीन घण्टा छलफल भएको शेखर कोइरालाका स्वकीय सचिव दिनेश थपलियाले सेतोपाटीलाई बताए।

कोइराला परिवार भित्रै बेमेल भएको कारणले समेत केन्द्रीय राजनीतिमा कांग्रेस कमजोर बनेको गुनासो देशभरका कार्यकर्ताले गरेपछि तीन नेताबीच भेट भएको थपलियाले बताए।

एकै परिवारका भए पनि तीन कोइराला नेताबीच बिरलै भेटघाट हुने गरेको छ।

Share:

प्रतिकृया दिनुहोस

© 2017 Setopati Sanchar Pvt. Ltd.