एमाले र राजपा नेता बुढानिलकण्ठको पार्क भिलेजमा

फाइल तस्बिर


प्रमुख प्रतीपक्षी नेकपा एमाले र राष्ट्रिय जनता पार्टीका नेताहरू संविधान संशोधन लगायतका विषयबारे  छलफलमा जुटेका छन्।

विगतमा एकअर्काप्रति पानी बाराबारको जस्तै स्थितिमा रहेका दुई पार्टीका नेता अाइतबार साँझ भने एक रिसोर्टमा भेला  भएका छन्।

स्रोतका अनुसार एमाले र राजपा नेताबीच काठमाडौंमा अावासीय बैठक बसेको छ।  बुढानिलकण्ठको पार्क भिलेज रिसोर्टमा भएको बैठकमा एमालेका तर्फबाट नेताहरू रविन्द्र अधिकारी र  राजन भट्टराई  सहभागी  छन्  भने राजपाबाट जितेन्द्र सोनल र मनिस सुमन सहभागी भएका छन्।

अाइतबार दिउँसो सेतोपाटीसँगको कुराकानीमा राजपा नेता राजेन्द्र महतोले पनि दुई पार्टीबीच अनौपचारिक छलफल भइरहेको बताएका थिए।

दुई पार्टीका नेताबीच बैठक भएको पुष्टि गर्दै  राजपाका एक नेताले एमालेसँग छलफल गर्ने पार्टीको अौपचारिक निर्णय नभएको  बताए। उनले कांग्रेस माअोवादी गठबन्धनलाई असर पर्ने गरी छलफल भएको अारोप लगाए।

भेटघाटको व्यवस्था एक अन्तर्राष्ट्रिय गैरसरकारी संस्थाले मिलाएको ती नेताले  जानकारी दिए। दुबै पक्षले बैठकका बारे थप खुलाउन चाहेका छैनन्।

Share:

© 2017 Setopati Sanchar Pvt. Ltd.