एमालेको आधार क्षेत्र गौरादहमा कांग्रेस विजयी


नेकपा एमालेको आधार क्षेत्रका रूपमा लिइने गौरादह नगरपालिकाको मेयरमा नेपाली कांग्रेसले जित हात पारेको छ। कांग्रेसका उम्मेदवार रोहितकुमार शाहले गौरादहमा १० हजार ३ सय ८ मत प्राप्त गर्दैं विजयी भएका हुन्।

एमाले सांसद् दिपक कार्कीको क्षेत्र गौरादहमा यसअघि उनले दुईपटक गौरादहको गाविस अध्यक्ष जितेका थिए।

शाहका निकटम प्रतिद्वन्द्वी नेकपा एमालेका उम्मेदवार मदन अधिकारीले ९ हजार ८ सय ५४ मत पाएका छन्।

उपमेयरमा भने एमालेले जित निकालेको छ। १० हजार ६ सय २० मत ल्याउँदै एमालेकी उम्मेदवार गीता भेटवाल विजयी भइन्।

उनकी निकटतम प्रतिद्वन्दी कांग्रेसकी उम्मेदवार सुमित्रा खरेल ढुंगानाले ७ हजार ९ सय ११ मत ल्याइन्।

Share:

© 2017 Setopati Sanchar Pvt. Ltd.