मोरङको सुन्दरहरैचा नगरपालिकाको मेयरमा कांग्रेस विजयी


नेकपा एमालेको गढ मानिने मोरङको सुन्दरहरैचा नगरपालिकाको मेयरमा नेपाली कांग्रेसले जितेको छ।

मंगलबार बिहान सार्वजनिक भएको अन्तिम मतगणनामा नेपाली कांग्रेसका उम्मेद्वार शिवप्रसाद ढकालले १६ हजार ८ सय २१ मत ल्याएर निर्वाचित भएका हुन्। उनका निकटतम् प्रतिद्वन्दी एमालेका केदारप्रसाद गुरागाईँले १५ हजार ८ सय ५३ मत पाए। यस्तै तेस्रो स्थानमा रहेका माओवादी केन्द्रका उम्मेद्वार लक्ष्मी न्यौपाने लताले२८१४ मत पाइन्।

त्यस्तै उप–मेयरमा भने एमालेकी धनमाया तामाङले १५ हजार ४ सय ७८ मत ल्याएर विजयी भइन्। उनको निकटतम प्रतिद्वन्दी कांग्रेसकी बिन्दा दाहाल थापाले १३ हजार ९० मत प्राप्त गरिन्। माओवादी केन्द्रका उम्मेद्वार नवराज चापागाइँले ६१७५ मत ल्याए।

 

Share:

प्रतिकृया दिनुहोस

© 2017 Setopati Sanchar Pvt. Ltd.