प्रधानमन्त्रीको गृहजिल्लामा बहुमत स्थानीय तह कांग्रेसकै पक्षमा


प्रधानमन्त्री एवम् नेपाली कांग्रेसका सभापति शेरबहादुर देउवाको गृह जिल्ला डडेलधुराका ७ स्थानीय तहमा कांग्रेस ४ स्थानमा विजयी भएको छ।

२ नगरपालिका र ५ गाउँपालिका रहेको डडेलधुरामा कांग्रेसले १ नगरपालिका र ३ गाउँपालिका जितेको छ। एमाले १ नगरपालिका र १ गाउँपालिकामा विजयी भएको छ भने माओवादी केन्द्र एउटा गाउँपालिकामा विजयी भएको छ ।

परशुराम नगरपालिकामा नेपाली कांग्रेसका भिमबहादुर साउद मेयरमा र कलावती बोहरा उपमेयरमा विजयी भएका छन्। आलिताल गाउँपालिकामा कांग्रेसका बलबहादुर गुरुङ अध्यक्ष र जलाकुमरी विष्ट बोगटी उपाध्यक्षमा निर्वाचित भएका छन् । भागेश्वर गाउँपालिकामा कांग्रेसका कौशीलाकुमारी भट्ट अध्यक्ष र पद्मबहादुर बोहरा उपाध्यक्षमा निर्वाचित भएका छन् ।

गन्यापधुरा गाउँपालिकामा कांग्रेसका नरबहादुर मल्ल अध्यक्ष र कमलादेबी ठगुन्ना उपाध्यक्षमा निर्वाचित भएका छन् ।

अमरगढी नगरपालिकामा एमालेका विश्वेश्वर प्रसाद ओझा मेयर र संगीत भण्डारी उपमेयरमा निर्वाचित भएका छन् । नवदुर्गा गाउपालिकामा एमालेका कविन्द्रबहादुर विष्ट अध्यक्ष र कांग्रेसकी डम्मरीदेवी हमाल उपाध्यक्षमा निर्वाचीत भएका छन् ।

अजयमेरु गाउपालिकामा माओवादी केन्द्रका उमेश प्रसाद भट्ट अध्यक्षमा र उपाध्यक्षमा कलाबती भाण विजयी भएका छन्

Share:

© 2017 Setopati Sanchar Pvt. Ltd.