रोल्पाको सम्पूर्ण परिणाम सार्वजनिक : ७ मा माओवादी, २ एमाले र १ कांग्रेस


रोल्पामा नेकपा माओवादी केन्द्रले दबदबा यथावत् राखेको छ। दश स्थानीय तह रहेको रोल्पाको एक मात्र नगरपालिका रोल्पा नगरपालिकासहित सात तहमा जीत हात पार्दै माओवादीले आफ्नो पकड क्षेत्र मजबुत रहेको सन्देश दिएको हो।

रोल्पा नगरपालिकामा माओवादी केन्द्रका पूर्ण केसी विजयी भएका छन्। उपमेयर समेत माओवादी केन्द्रकै मनकुमारी घर्तीमगरले जितेकी छिन्।

रोल्पाको सुनछहरीमा आशबहादुर पुनमगर, थवाङमा वीरबहादुर घर्ती, दुईखोलीमा निमकान्त डाँगी, माडीमा नन्दबहादुर पुन र सुकीदहमा वीरबहादुर केसी माओवादीबाट विजयी भएका छन्।

रोल्पाको सुवर्णावती गाउँपालिकामा पनि माओवादी केन्द्रका गुणेन्द्र घर्ती विजयी भएका छन्। उपप्रमुखमा पनि माओवादीकै बागमती क्षेत्रिनी विजयी भइन्।

एमालेले त्रिवेणी गाउँपालिका र रुन्टीगढीमा जीत हात पारेको छ। एमालेका शान्तकुमार ओली त्रिवेणीबाट र रुन्टीगढीबाट बालाराम बुढा विजयी भएका छन्।

कांग्रेसले भने लङ्ग्रीमा मात्र जीत हात पारेको छ। लुङ्ग्रीमा कांग्रेसका दुर्गाबहादुर खड्का विजयी भएका हुन्।

Share:

प्रतिकृया दिनुहोस

© 2017 Setopati Sanchar Pvt. Ltd.