पूर्वको दुवै उप–महानगरमा एमालेको वर्चश्व


पूर्वको दुई वटै उप–महानगरपालिकामा नेकपा एमालेले अग्रता बनाएको छ। मतगणनाको तेस्रो दिन आइतबार बिहान सुनसरीको दुईवटा उप–महानगर इटहरी र धरानमा एमालेले अग्रता कायम गरेको हो।
धरानमा शनिवार दिउँसोदेखि नै एमालेले पकड बनाएको थियो। इटहरीमा भने बिहान १ सय २९ मतको अग्रता बनायो। एमालेका द्धारिकलाल चौधरीले ५ हजार ४ सय ३३ मत ल्याएर नेपाली कांग्रेसका रोहित प्रसाईलाई उछिन्। रोहितको ५ हजार ३ सय ४ मत छ।
यस्तै, धरान उप–महानगरमा एमालेका तारा सुब्बाको २९ सय ३२ मत छ। उनले कांग्रेसका तिलक राईलाई २ सय ३७ मतले पछाडि पारेका छन्। राईले २६ सय ९५ मत प्राप्त गरेका छन्।

Share:

© 2017 Setopati Sanchar Pvt. Ltd.