बिहान साढे ३ बजे अपडेटः पूर्वमा कांग्रेस एमालेको कडा टक्कर, २३/२३ नगरमा अगाडि

एमाले झापा र इलाम ‘क्लिन स्विप’ गर्ने दाउँमा 


पूर्वको प्रदेश नम्बर १ मा पर्ने एक महानगर, २ उप–महानगरसहित ४६ नगरपालिकाको निर्वाचनमा प्रमुख प्रतिपक्षी दल नेकपा एमालेले सुरूवाती आकंलनमा २२ नगरपालिका र एक उपमहानगर जित्ने छाँट देखाएको छ।

यस्तै, सत्तारुढ पार्टी नेपाली कांग्रेसले १ महानगर, १ उपमहानगर र २१ नगरपालिकामा अग्रता बनाएको छ। माओवादी केन्द्र र लोकतान्त्रिक फोरमले १–१ नगरपालिकामा अग्रता बनाएका छन्।

एमालेले ३ वटा नगरपालिका रहेको धनकुटाको पाख्रिबास र धनकुटा गरि २ वटामा विजय प्राप्त गरिसकेको छ। महालक्ष्मी नगरपालिकामा पनि ऊ विजयको नजिक छ। ओखलढुंगाको एक मात्र नगरपालिका सिद्धिचरणमा पनि एमालेले जित हासिल गरिसकेको छ।

एमालेले इलामको ४ वटा र झापाको ८ वटा नगरपालिकामा आफ्नो अग्रता कायम गरिसकेको छ भने ऊ ताप्लेजुङमा पनि जितको नजिक छ। मोरङको ८ मध्ये २ नगरपालिका लेटाङ र पथरी शनिश्चरेमा एमाले अगाडि छ। सुनसरीको २ वटा उपमहानगर र ४ वटा नगरपालिकामध्ये एमाले अहिले धरान उपमहानगरमा मात्र अगाडि छ। संखुवासभाको ५ मध्ये ३ नगरपालिका र तेह्रथुमको एक नगरपालिकामा अगाडि देखिएको छ।

कांग्रेसले भने विराटनगर महानगरपालिका र इटहरी उप–महानगरमा अग्रता कायम गरेको छ। उसले मोरङको ८ नगरपालिकामध्ये ६ मा अग्रता लिएको छ। यस्तै, उदयपुरको ४ मध्ये ४ वटै नगरपालिका पनि अग्रता बनाएको छ। सुनसरीको २ उपमहानगरसहित ४ नगरपालिकाको सिटमा कांग्रेस एक उप–महानगर र ४ नगरपालिकामा अगाडि देखिएको छ। पाँचथरको एक मात्र फिदिम नगरपालिकामा कांग्रेस नै अगाडि छ।

संखुवासभाको ५ मध्ये २, तेह्रथुमको २ मध्ये एक, खोटाङको दुई मध्ये एक, सोलुखुम्बुको एक र भोजपुरको दुई वटै नगरपालिकामा कांग्रेसको अग्रता देखिएको छ। भोजपुरको भोजपुर नगरपालिकामा त कैलाशकुमा आले निर्वाचित नै भइसकेका छन्।

माओवादी खोटाङको दुई मध्ये एक रुपाकोट मजुवागढीमा अग्रस्थानमा छ। यस्तै, फोरम लोकतान्त्रिकले सुनसरीको दुहवी नगरपालिकामा अग्रता बनाएको छ।

नेपाली कांग्रेसको अग्रता नेकपा एमालेको अग्रता माओवादी केन्द्र
फिदिम नगरपालिका (पाँचथर) फुङलिङ नगरपालिका (ताप्लेजुङ) रुपाकोट मजुवागढी नपा (खोटाङ)
धर्मादेवी नपा (संखुवासभा) इलाम नगरपालिका (इलाम) फोरम लोकतान्त्रिक
पाँचखपन नपा देउमाई नपा दुहवी नपा (सुनसरी)
लालीगुराँस नपा (तेह्रथुम) माई नपा
भोजपुर नपा (भोजपुर–विजयी) सूर्योदय नपा
षडानन्द नपा भद्रपुर नपा (झापा)
हलेसी तुवाचुङ नपा (खोटाङ) मेची नपा
सोलुदुधकुण्ड नपा (सोलुखुम्बु) दमक नपा
कन्काई नपा
१० त्रियुगा नपा (उदयपुर) अर्जुनधारा नपा
११ कटारी नपा गौरादह नपा
१२ चौदण्डीगढी नपा शिवशताक्षी नपा
१३ बेलका नपा विर्तामोड नपा
१४ विराटनगर महानगरपालिका (मोरङ) खाँदवारी नपा (संखुवासभा)
१५ बेलबारी नपा चैनपुर नपा
१६ रंगेली नपा मादी नपा (विजयी)
१७ रतुवामाई नपा म्याङलुङ नपा (तेह्रथुम)
१८ सुनवर्षी नपा धनकुटा नपा (धनकुटा–विजयी)
१९ उर्लाबारी नपा पाख्रिबास नपा (विजयी)
२० सुन्दर हरैचा नपा महालक्ष्मी नपा
२१ इटहरी उप–महानगरपालिका (सुनसरी) लेटाङ नपा (मोरङ)
२२ इनरुवा नपा पथरी शनिश्चरे नपा
२३ बराह नपा धरान उप–महानगरपालिका (सुनसरी)
२४ रामधुनी नपा  सिद्धिचरण नपा (ओखलढुंगा) विजयी

Share:

© 2017 Setopati Sanchar Pvt. Ltd.