राति १:२५ अपडेटः मोरङमा कांग्रेस र झापामा एमाले अगाडि


क्षेत्र नम्बर १ को मोरङ र झापामा नेपाली कांग्रेस र नेकपा एमालेबीच रोचक भिडन्त देखिएको छ। मोरङको एक महानगरपालिकासहित ८ नगरपालिकामा जहाँ कांग्रेसको अग्रता देखिएको छ, त्यही एमालेले आफ्नो ‘लाल किल्ला’ झापामा वर्चश्व बनाएको छ।

झापाको ८ नगरपालिकाको निर्वाचनमा शनिवार राती १ बजेसम्म एमाले ८ वटै नगरपालिकामा अगाडि देखिएको छ। एमालेले मेची, भद्रपुर, दमक, कन्काई, अर्जुनधारा, गौरादह, शिवशताक्षी र विर्तामोड नगरपालिकामा अग्रता बनाएको छ।

यस्तै, मोरङमा विराटनगर महानगरपालिकासँगै ६ नगरपालिकामा कांग्रेस अगाडि देखिएको छ। मोरङमा एक महानगरसहित ८ नगरपालिका छ। कांग्रेसले रंगेली, सुनवर्षी, रतुवामाई, सुन्दर हरैचा, वेलवारी र उर्लावारी नगरपालिकामा अग्रता लिएको छ। लेटाङ र पथरी शनिश्चरेमा एमाले अगाडि छ।

Share:

© 2017 Setopati Sanchar Pvt. Ltd.