इन्धन कटौतीपछि काठमाडौं महानगरपालिकाले ‘कार पुलिङ’ सुरू गरेको छ।
एउटै क्षेत्रका कर्मचारीहरूले आलोपालो गरेर सवारी साधन चलाउन थालेका हुन्। उनीहरूले कार्यालय जाँदा आउँदा एउटै क्षेत्रका कर्मचारी साथीहरूलाई ल्याउने, लैजाने गर्नुपर्नेछ।
इन्धन अभावबाट सिर्जना भएको अवस्था र यसले दीर्घकालमा पार्न सक्ने नकारात्मक प्रभाव घटाउन यस्तो निर्णय गरिएको काठमाडौं महानगरपालिका नगर प्रमुख सुनिता डंगोलले जानकारी दिइन्।
‘विश्वभर इन्धनको अभाव छ। यसबेला पहिलेकै अवस्थामा सवारी साधन सञ्चालन गर्दा अत्यावश्यक काम र सेवाका लागि आवश्यक पर्ने इन्धन पनि नपाइने हुन सक्छ। यस्तो समस्या आउन नदिन इन्धनको प्रयोगलाई घटाउनुको विकल्प छैन। यसकारण इन्धनजन्य सम्भावित समस्या आउन नदिन ‘कार पुलिङ्’ कार्यक्रम कार्यान्वयनमा ल्याएका हौं,’ डंगोलको भनाइ छ ।
महानगरपालिकाले ४८ औं कार्यपालिका बैठकबाट इन्धन कोटामा कटौती गरिसकेको छ।
‘कार पुलिङ्’ कार्यक्रममा बसोबास क्षेत्रका आधारमा एउटै ठाउँबाट आउने जाने अधिकारीहरूको समूह बनाइएको छ।
यस समूहमा हुनेले आफूसँग भएको सवारी साधन आलोपालो सञ्चालन गरेर आफू नजिकका अधिकारीलाई पनि ल्याउने लाने गर्नुपर्छ। यसो गर्दा कार्यालयमा आउने जाने सवारी साधनको संख्या र इन्धनको प्रयोग घट्नेछ।
-1746009348.jpg)
