नेकपा एमालेले काठमाडौंमा दुईदिने कार्यक्रम घोषणा गरेको छ।
एमालेको नेसनल भोलिन्टियर फोर्सले शुक्रबार बिहान ११ बजे कार्की ब्यांक्वेटमा कार्यक्रम गर्ने भनेको छ।
बबरमहल बसस्टपसँगै भेला भएर माइतीघर हुँदै बबरमहल र त्यहाँबाट बानेश्वर जाने कार्यक्रम राखेको छ।
यस कार्यक्रमको प्रमुख अतिथि तत्कालीन प्रधानमन्त्री तथा एमाले अध्यक्ष केपी शर्मा ओली हुने भनिएको छ।
एमालेले कार्यक्रमबारे जानकारी गराएपछि प्रहरी प्रशासनले त्यही अनुसार रणनीति अपनाएको छ।
यता एमालेको जनसंगठन संयोजक संयन्त्रले कार्यक्रमका लागि प्रशासन कार्यालयमा निवेदन समेत दिएको छ।
प्रमुख जिल्ला अधिकारी ईश्वरराज पौडेलले कार्यक्रमका लागि निवेदन दिएको र त्यसबारे विचाराधीन नै रहेको बताए।
'कार्यक्रमका लागि निवेदन आएको छ। त्यसबारे विचाराधीन छ,' उनले भने।
त्यसैगरी शनिबार प्रदर्शनीमार्गमा बागमती प्रदेश कमिटीले अर्को कार्यक्रम आयोजना गर्ने भनेको छ। त्यस दिन शान्तिपूर्ण जनप्रदर्शन तथा जनसभा कार्यक्रम गर्ने भनिएको छ।
यस कार्यक्रमका लागि पनि निवेदन आएको र विचाराधीन नै रहेको प्रमुख जिल्ला अधिकारी पौडेलले बताए।
'पर्सिको कार्यक्रमका लागि पनि निवेदन आएको छ। विचाराधीन नै छ। यस विषयमा जिल्ला सुरक्षा समितिमा छलफल गर्छौं,' उनले भने।
-1746009348.jpg)
