नेपाली कांग्रेसलाई रूपान्तरण गर्न भन्दै नेपाली कांग्रेस सुधार अभियान केन्द्रीय संयोजन समिति गठन भएको छ।
नेविसंघ पूर्वकेन्द्रीय कोषाध्यक्ष शिव रिमालका अनुसार कांग्रेस सुधार अभियानका लागि १०१ सदस्यीय केन्द्रीय संयोजक समिति गठन गरिएको हो।
पार्टीका हरेक तह र पार्टीको तर्फबाट संघ, प्रदेश र स्थानीय तहको निर्वाचनमा ४० वर्ष मुनिका ४० प्रतिशत युवाको प्रतिनिधित्व सुनिश्चित गर्न, भ्रष्टाचारविरूद्धमा खबरदारी गर्दै सुशासन कायम गर्न, पार्टीको तर्फबाट हरेक निकायको निर्वाचनमा उम्मेदवार छनोट गर्दा प्राइमरी इलेक्सनको व्यवस्था गर्न यो अभियान सञ्चालन गरिएको उनले बताए।
नेविसंघ केन्द्रीय सदस्य भुवन भट्टका अनुसार लोकतन्त्रको संरक्षण, नयाँ बहस र पैरवी गर्न यो अभियान सञ्चालन गर्न लागिएको हो।
-1746009348.jpg)
