जेनजी मुभमेन्ट अलायन्सले मधेस प्रदेश प्रमुख सुमित्रा सुवेदी भण्डारीको राजीनामा माग गरेको छ।
सोमबार एक विज्ञप्ति जारी गर्दै प्रदेश प्रमुखको कार्यालयबाट निस्किएर बर्दिबासको पानस होटलमा नेकपा एमालेका सरोजकुमार यादवलाई शपथ ग्रहण गराएकी प्रदेश प्रमुख भण्डारीको राजीनामा माग गरेको हो।
अलायन्सले यसरी होटलमा शपथ ग्रहण गराएकोलाई ‘चोरी चोरी चुपके चुपके’ गरिएको घटना भनिएको छ।
यसरी गर्नुमा तत्कालीन प्रधानमन्त्री केपी शर्मा ओलीकै छाप देखिएको पनि बताएको छ।
‘भदौ २३ र २४ गतेको जेनजी विद्रोहले फालिसकेको अहंकारी र संघीयता विरोधीले नियुक्त गरेको प्रदेश प्रमखले आफ्नो नियुक्तिकर्ताप्रति बफादारी देखाउँदै तिनै नियुक्तिकर्ताले तत्कालीन २०७७ पुस ५ र २०७८ जेठ ८ गते मध्यरात गरेको असफल कूकै उदाहरणलाई आधार मान्दै मध्यरातमा प्रदेश प्रमुखको कार्यालयबाट गायब भई होटलमा चोरी चोरी चुपके चुपके गरेको संघीयता र संविधान विरोधी दुस्साहसको घोर विरोध गर्दै यस्तो संघीयता र संविधान विरोधी प्रदेश प्रमुखको तत्काल राजीनामा माग गर्दछौं,’ विज्ञप्तिमा भनिएको छ।
यसरी गरिएको नियुक्तिमा पनि अलायन्सले आपत्ति जनाएको छ।
-1746009348.jpg)
