नेपाली कांग्रेसका कार्यवाहक सभापति पूर्णबहादुर खड्काले विशेष महाधिवेशन माग गर्दै महाधिवेशन प्रतिनिधिहरूले हस्ताक्षर बुझाएको विषय केन्द्रीय कार्यसमिति बैठकलाई जानकारी गराएका छन्।
महाधिवेशन प्रतिनिधिहरूले ४७४३ प्रतिनिधिमध्ये २४८८ जनाको हस्ताक्षर बुधबार कार्यवाहक सभापति खड्कालाई बुझाउँदै विशेष महाधिवेशन माग गरेका थिए।
बिहीबार बसेको केन्द्रीय कार्यसमिति बैठकमा कार्यवाहक सभापति खड्काले विशेष महाधिवेशनको लागि विधानमा व्यवस्था भएअनुसार महाधिवेशनको माग राख्न हस्ताक्षर आएको बताएका हुन्।
‘यो दर्ता भएको पत्रमा विधान बमोजिम आवश्यक अध्ययन गरेर प्रक्रिया अगाडि बढाइने छ,’ उनले भने।
साथै उनले विशेष महाधिवेशन माग गर्नेहरूले पनि मंसिरभित्र नियमित महाधिवेशन हुनुपर्छ भन्ने कुरा राखेको आफूलाई विश्वास रहेको बताए।
‘मलाई विश्वास छ- विशेष अधिवेशनका मागकर्ता साथीहरूले मंसिर मसान्तभित्रमा नियमित अधिवेशन हुनुपर्छ भन्ने विषय मुख्य हो भन्नु भएकोले यो बैठक टुंगिने बेलासम्म हामी नियमित महाधिवेशन समयमै गर्ने समझदारीमा पुग्ने छौं,’ कार्यवाहक सभापति खड्काका भनाइ उद्धृत गर्दै एक केन्द्रीय सदस्यले भने, ‘त्यस्तो अवस्थामा हाम्रो समझदारीमा नै विशेष अधिवेशन आवश्यक नरहेको निर्णयमा हामी रहने छौं।’
-ink-1760606572.jpeg)
1635339834.jpeg)
-1746009348.jpg)
