नेकपा एमालेका अध्यक्ष केपी शर्मा ओलीले अहिले नै पार्टी नेतृत्व नछाड्ने बताएका छन्।
पार्टीभित्र नेतृत्वबाट राजीनामाको माग पनि उठेकोतर्फ लक्ष्य गर्दै अध्यक्ष ओलीले पार्टी अप्ठ्यारो अवस्थामा रहेकोले एकमना (एक मनको एकता) आवश्यक रहेको बताए।
बुधबार केन्द्रीय कमिटी बैठकमा बोल्दै अध्यक्ष ओलीले भने, ‘जहिले पनि अप्ठ्यारो परिस्थिति, राम्रा काम हामी गर्छौं। असहज परिस्थिति भित्रबाटै सामना गर्नुपर्ने, त्यो फाइदा विरोधीहरूले मजाले लिने, यो स्थिति बन्नु हुँदैन।’
उनले ओली सुध्रिएनन् भन्ने हिसाबले आलोचना भइरहेको उल्लेख गर्दै गल्ती र कमजोरी नगरेकोले सुध्रन जरूरी नभएको पनि बताए।
‘कतिपय साथीहरूले मलाई भन्नुहुन्छ- तपाईंलाई त बोकेर जानै सकिँदैन,’ उनले भने, ‘किन बोक्नुपर्यो? म आफै हिँड्छु।’ ओलीले यसो भन्दा केन्द्रीय सदस्यहरू हासेका थिए।
1635339834.jpeg)
-1756794700.JPG)
-1746009348.jpg)
