नेपाली कांग्रेसको भ्रातृ संस्था नेपाल विद्यार्थी संघका केन्द्रीय सदस्य अशोक सिंह विष्टले काठमाडौं महानगरपालिकाका मेयर बालेन शाह र हामी नेपालका संस्थापक सुदन गुरूङविरूद्ध जाहेरी दिएका छन्।
भदौ २३ र २४ गते भएको जेनजी पुस्ताको आन्दोलनका क्रममा विद्यार्थीलाई विद्यालय-क्याम्पसका पोशाकमै बोलाएर मानव ढाल बनाएको र राष्ट्रिय सम्पदा तथा सरकारी र निजी घर आगजनी गरेको भन्दै त्यसमा नेतृत्वदायी भूमिकामा मेयर बालेन र हामी नेपालका संस्थापक सुदन रहेको भन्दै उनले आइतबार जिल्ला प्रहरी परिसर ललितपुरमा जाहेरी दिएका हुन्।
जाहेरी दिनका लागि नेविसंघका केन्द्रीय सदस्यहरू मनिषजंग थापा, अशोक सिंह बिष्ट र विजय शाह पुगेका थिए।
उनीहरू सभापति शेरबहादुर देउवा र आरजु राणा देउवानिकट मानिन्छन्।
नेविसंघ केन्द्रीय सदस्यले मेयर बालेन र सुदनविरूद्ध दिएको जाहेरीबारे नेविसंघलाई जानकारी भने छैन। दुजाङ शेर्पा नेतृत्वको नेविसंघ ७१० सदस्यीय छ। यो कार्यसमितिलाई नेविसंघ महाधिवेशन गराउन अन्तिम पटक समय दिइएको थियो।
यो जाहेरी प्रहरीले दर्ता गरिसकेको छैन।
यसअघि नेकपा (एमाले) निकट अनेरास्ववियुले पनि मेयर बालेन र हामी नेपालका सुदनविरूद्ध जिल्ला प्रहरी परिसर काठमाडौंमा जाहेरी दिएको थियो। आयोगले प्रहरीमै उक्त जाहेरी फिर्ता गरेको थियो।
1635339834.jpeg)
-1756794700.JPG)
-1746009348.jpg)
