नेकपा (एमाले) का महासचिव शंकर पोखरेलले भदौ २३ गते केपी शर्मा ओलीले आफै बानेश्वरमा गएर हतियार चलाएजस्तो कुप्रचार गरिएको टिप्पणी गरेका छन्।
बिहीबार गुण्डुमा एमाले भक्तपुरले आयोजना गरेको भेटघाट कार्यक्रममा बोल्दै इतिहासका विभिन्न कालखण्डमा भएका आन्दोलनका बेला सरकार प्रमुख रहेकाहरू को माथि कारबाही भएको छ भन्दै प्रश्न पनि गरे।
‘अहिले हाम्रो अध्यक्ष केपी शर्मा ओली माथि आक्रमण भइराखेको छ। हाम्रो पार्टीका अध्यक्षले बानेश्वरमा गएर आफैले हतियार चलाएजस्तो कुप्रचार भइरहेको छ,’ उनले भने, ‘म तपाईंहरूलाई सुनाउन चाहन्छु। नेपालको इतिहासको विभिन्न कालखण्डमा राज्य र विद्रोहीका बीचमा द्वन्द्व भएका बेलामा मानवीय क्षति भएको स्थितिमा कहिले कुन प्रधानमन्त्री दण्डित भएको छ?’
महासचिव पोखरेलले २००७ साल, २०४६ सालको परिवर्तनपछाडि आन्दोलनकारी र तत्कालीन सत्ताका प्रतिनिधि मिलेर आन्दोलनको व्यवस्थापन परेको परम्परा मौजुदा सुशीला कार्की नेतृत्वको सरकारले तोडेकोसमेत आरोप लगाए।
‘राणा शाहीका विरूद्धमा आन्दोलन हुँदाका समयका प्रधानमन्त्री मोहन शमशेरलाई सात सालको परिवर्तनपछि अन्तरिम सरकारको प्रधानमन्त्री बनाएको समाज हो नेपाली समाज। आज जुन घृणाको राजनीतिक गरिँदैछ, त्यो हाम्रो समाजको परम्परा हो? २०४६ पञ्चायती व्यवस्थापछि आन्दोलनकारी पनि सामेल थिए, राजाका प्रतिनिधिका थिए। नेपाली समाजमा आन्दोलनको व्यवस्थापनको परम्परा हो,’ उनले भने।
सुशीला कार्की नेतृत्वको मौजुदा सरकारले नेपालको आफ्नै परम्पराविरूद्धको नीति अँगालेको पनि उनले टिप्पणी गरे।
-1759994112.jpg)
-1746009348.jpg)
