नेकपा (माओवादी केन्द्र)को महाधिवेशन आयोजक समितिको सचिवालय बैठक बस्दै छ।
दिउँसो १ बजे पार्टी केन्द्रीय कार्यालय पेरिसडाँडामा बैठक बस्ने तय भएको प्रवक्ता अग्निप्रसाद सापकोटाले जानकारी दिए।
बैठकमा महाधिवेशनसम्बन्धी कार्यविधिबारे छलफल गर्ने एजेन्डा छ।
त्यस्तै महाधिवेशन आयोजक समितिको टुंगो लगाउने र विभिन्न दलहरूसँग एकताबारे छलफल गर्ने एजेन्डा पनि तय छ।
माओवादी केन्द्रले केन्द्रीय कमिटीबाटै समाजवादी मोर्चामा आबद्ध दलहरूसँग एकताको पहल गर्ने निर्णय गरेको थियो। साथै विचार मिल्ने अन्य दलहरूसँग पनि मोर्चाबन्दीको पहल गर्ने निर्णय गरेको थियो।
'ती विषयसँगै समसामयिक राजनीतिका अन्य विषयहरूमा बैठकमा छलफल हुन्छ,' प्रवक्ता सापकोटाले भने।
माओवादीको केन्द्रीय कमिटी बैठकले केन्द्रीय कमिटी भंग गर्दै मंसिरमा महाधिवेशन गर्ने निर्णय गरेको थियो।
केन्द्रीय कमिटीलाई महाधिवेशन आयोजक कमिटीमा रूपान्तरण गरिएको छ। पुष्पकमल दाहाल 'प्रचण्ड' संयोजक छन्।
-1746009348.jpg)
