२०८० असोज ५ गते सरकारसँग भएको सहमति कार्यान्वयनका लागि शिक्षकहरू चैत २० गतेदेखि आन्दोलित छन्। उनीहरूले बिहान ११ बजेदेखि अपराह्न ४ बजेसम्म माइतीघर मण्डलदेखि नयाँ बानेश्वरसम्म शान्तिपूर्ण प्रदर्शन गर्दै आइरहेका छन्।
सरकारले बैठकमा बोलाए पनि शिक्षकहरू छलफलमा गएका छैनन्। बिहीबार कार्यवाहक प्रधानमन्त्री प्रकाशमान सिंहले शिक्षकहरूको माग सम्बोधन गर्ने भनेर शुक्रबार बस्ने गरी वार्तामा बोलाएका थिए।
सिंहदरबारमा शुक्रबार वार्ता टोली शिक्षकहरूलाई कुरेर बसे तर शिक्षकहरू वार्तामा गएनन्। शिक्षकहरू नगएपछि सरकारले पुनः वार्तामा बोलाएको थियो।
शिक्षक महासंघका अध्यक्ष लक्ष्मीकिशोर सुवेदी शिक्षकहरुको माग सम्बोधन गर्ने अवस्थाको सुनिश्चित नभएसम्म वार्तामा नजाने बताउँछन्। उनले वार्ता र सहमति ०८० को असोजमै भइसकेको बताए।
'वार्ता, छलफल र सहमति अगाडि नै भइसकेको छ। हामी त्यसको कार्यान्वयन माग्न काठमाडौं आएका हौं। फेरि वार्तामै बसेर किन समय खेर फाल्नु,' उनले भने।
सरकारले शिक्षकहरुलाई ढाँटेकाले पनि यथास्थितिमा वार्ताको औचित्य नरहने उनले बताए।
'हामीहरूसँग संसदको यही अधिवेशनले विद्यालय शिक्षा विधेयक पास गर्छ भनियो। त्यसका लागि संसद पनि १० गतेसम्म चल्छ भनियो। तर हठात् अधिवेशन अन्त्य गरियो,' सुवेदीले भने।
संसदको हिउँदे अधिवेशन अन्त्य भइसकेको अवस्थामा शिक्षकहरूको माग सम्बोधनका लागि अध्यक्ष सुवेदीले तीन उपाय रहेको बताए।
पहिलो, बर्खे अधिवेशन तत्कालै बोलाउने।
अध्यक्ष सुवेदीले सरकारले शिक्षकहरूसँग गरेको सहमति कार्यान्वयन गर्ने पक्षमा छ भने बर्खे अधिवेशन तत्काल बोलाउनुपर्ने बताए।
'संसदको एउटा अधिवेशन अन्त्य भए अर्को अधिवेशन बोलाएर यस विषयमा छलफल गर्न सकिन्छ। यदी त्यती नै गम्भीर हो भने,' उनले भने।
दोस्रो, सरकारले विशेष अधिवेशन पनि आह्वान गर्न सक्छ।
'विशेष अधिवेशन निश्चित विषयको छलफलका लागि बोलाइन्छ। सरकारले विशेष अधिवेशन बोलाएर विद्यालय शिक्षा विधेयकको टुंगो लगाउन सक्छ,' उनले भने।
तेस्रो, सरकारले अध्यादेश पनि ल्याउन सक्छ।
अध्यक्ष सुवेदीले संसद अधिवेशन अन्त्य भएको अवस्थामा तत्कालका लागि अध्यादेश ल्याउने र अर्को अधिवेशन सुरू भए लगत्तै छलफल गर्न सकिने बताए।
बाँकी रहेका अरू विकल्पहरूबारे पनि सरकाले छलफल गरी शिक्षकको माग सम्बोधन गर्ने परिस्थिति नबनेसम्म यो पटकको आन्दोलन नरोकिने अध्यक्ष सुवेदीले बताए।
थाइल्याण्डबाट फर्किएर शनिबार विमानस्थलमा पत्रकार सम्मेलनमा प्रधानमन्त्री ओलीले शिक्षकहरूसँग चाँडै सहमति हुने र आन्दोलन फिर्ता हुने बताएका थिए।
पढ्नुस्: शिक्षकहरू सरकारमाथि विश्वास गरेर प्रदर्शनमा आउनुभयो: प्रधानमन्त्री ओली
प्रधानमन्त्री ओलीले सरकारले शिक्षकहरुको कुरा सुन्ने र समाधान निकाल्ने विषयमा गम्भीर रहेको बताएका थिए।
अध्यक्ष सुवेदीले परिस्थिती कस्तो बन्छ भन्ने कुराले वार्तामा जाने नजाने टुंगो लाग्ने बताए। 'त्यसमा हामी शिक्षकहरु छलफल गरिरहेका छौं,' उनले भने।
प्रधानमन्त्री फर्किएपछि वार्ताको विषयमा कुराकानी नभएको पनि उनले बताए।
यस्तो थियो ०८० असोजको सहमति
-ink-1743672844.jpeg)
