नेपाली कांग्रेसका महामन्त्री गगन थापाले कीर्तिपुर मात्रै नभई नेपालका थुप्रै डाँडाहरूमा बसेर दुई/चार लाख आम्दानी गर्न सकिने परिस्थति बनाउन सकिने बताएका छन्।
शनिबार ‘एनसेल बाह्रखरी गल्फ तथा आर्थिक परिसंवाद’ कार्यक्रममा महामन्त्री थापाले त्यस्तो परिस्थिति बन्न सक्ने बताएका हुन्।
'कीर्तिपुरको डाँडामात्रै होइन। त्यस्ता थुप्रै डाँडाहरूमा साथीहरूले दुई चार लाख रुपैयाँ कमाएको स्थिति हामी बनाउनसक्छौँ। त्यो पोटेन्सियल हामीसँग छ। तर त्यसका निम्ति सोच्नुपर्नेछ। त्यो डिरेक्शनमा काम गर्नुपर्नेछ,' उनले भने।
महामन्त्री थापाले केही क्षेत्रमा सुरूवात भइसकेको पनि बताए । त्यसमा गति बढाउन बाँकी रहेको उनले बताए।
'यो हाम्रो लागि एउटा अवसर हो। कानूनमा ल्याउनुपर्ने बदलाव पनि ल्याऔँ। अरू स्ट्रक्चरमा ल्याउनुपर्ने कुराहरू पनि ल्याऔँ। एकदम पोजेटिभ, ओपन माइण्डका साथ। सबै कोल्याबोरेसनमा काम गर्ने, निजी, सरकारी भर्सेस केही पनि छैन। हाम्रो भागमा परेको काम हामीले र तपाईंको भागमा परेको काम तपाईंले गर्ने हो,' उनले भने।
