सगरमाथा संवादमा भारतका प्रधानमन्त्री नरेन्द्र मोदी सहभागी नहुने भएका छन्।
थाइल्याण्ड भ्रमणबाट फर्किएका प्रधानमन्त्री केपी शर्मा ओलीले विमानस्थलमा आयोजित पत्रकार सम्मेलनमा आगामी जेठमा हुन लागेको सगरमाथा संवादमा भारतका प्रधानमन्त्री नरेन्द्र मोदी सहभागी नहुने बताएका हुन्।
थाइल्याण्डमा प्रधानमन्त्री ओलीले मोदीसँग आधा घन्टाभन्दा बढी एक्ला एक्लै छलफल गरेका थिए।
त्यस अवसरमा सगरमाथा संवादबारे कुराकानी भएको तर मोदी आफै आउन नभ्याउने प्रधानमन्त्री ओलीले बताए।
'यसपालिको सगरमाथा संवाद मोदी जी आउनुहुन्न। त्यसै बेला युरोप जाने कार्यक्रम तय भइसकेको रहेछ। कार्यक्रम तय भइसकेकाकाले त्यसलाई बदर गर्न सक्ने अवस्था भएन। तर राम्रै स्तरबाट प्रतिनिधित्व हुन्छ,' प्रधानमन्त्री ओलीले भने।
सरकारले आगामी जेठको पहिलो साता सगरमाथा संवाद गर्ने तयारी गरेको छ। संवादमा विभिन्न देशका सरकार प्रमुख, विषयविज्ञ र अनुसन्धानदाताहरूलाई बोलाउने तयारी छ।
