राष्ट्रिय जनमोर्चाले आन्दोलनको घोषणा गरेको छ।
यही चैत २४ गतेदेखि ३० गतेसम्म सप्ताहव्यापी राजधानी केन्द्रित आन्दोलन सञ्चालन गर्ने घोषणा गरेको छ।
पार्टीका अध्यक्ष चित्रबहादुर केसीले पत्रकार सम्मेलन गरी आन्दोलनको कार्यक्रम घोषणा गरेका हुन्।
राष्ट्रिय जनमोर्चाले सम्पूर्ण गणतन्त्रवादी शक्तिहरूबीच सहकार्यको आवश्यकता औंल्याएको छ।
अध्यक्ष चित्रबहादुर केसीले गणतन्त्र नेपाली जनताले ठूला सङ्घर्ष र बलिदानपछि स्थापित गरेको भन्दै यसलाई ध्वस्त पार्ने षड्यन्त्रलाई परास्त गर्न आफूहरू निरन्तर संघर्षरत रहेको बताए।
उपाध्यक्ष दुर्गा पौडेलले भनिन्, ‘हाम्रो आन्दोलन कुनै व्यक्ति विशेष वा पार्टी विशेषको विरूद्ध होइन। यो आन्दोलन गणतन्त्र, राष्ट्रियता, र जनताको आर्थिक हितको लागि हो।’
