अमेरिकी राष्ट्रपति डोनाल्ड ट्रम्पले विभिन्न देशबाट आयात हुने वस्तुमा भन्सार शुल्कमा नयाँ दर घोषणा गरेका छन्।
उनले घोषणा गरेको नयाँ भन्सार नीति अनुसार सबै व्यापारिक साझेदार देशहरूलाई १० प्रतिशत भन्सार शुल्क लगाउने घोषणा गरेका छन्।
प्रतिस्पर्धीहरूलाई भने रेसिप्रोकल महशुल (पारस्परिक महसुल) लगाउने घोषणा गरेका छन्। रेसिप्रोकल महसुल भनेको अमेरिकी समानमा कुनै देशले जति महसुल लगाउँछन्, ती देशका सामान अमेरिकामा आयात हुँदा त्यति नै भन्सार दर लगाउने भनेको हो।
द न्युयोर्क टाइम्सका अनुसार उनले केही देशहरूलाई ५० प्रतिशतसम्म भन्सार शुल्क घोषणा गरेका छन्। लिसोथो र सेन्ट पियरी एन्ड मिकेलन दुई देशलाई ट्रम्पले ५० प्रतिशत भन्सार शुल्क निर्धारण गरेका छन्।
आठवटा देशहरूलाई ४० प्रतिशतभन्दा बढी भन्सार शुल्क निर्धारण गरेका छन्।
चीनलाई ३४ प्रतिशत भारतलाई २७ प्रतिशत भन्सार शुल्क निर्धारण गरिएको छ।
ट्रम्पले सार्वजनिक गरेको सूचीमा क्यानडा र मेक्सिको भने नरहेको न्यूयोर्क टाइम्सले जनाएको छ।
तर, यी देशबाट आउने गाडी र अटो पार्ट्समा यसअघि नै कर लगाइएको छ। बिहीबार मध्यरातदेखि लागू हुने नयाँ नियमअनुसार त्यहाँबाट आउने सबै तयारी गाडीमा २५ प्रतिशत भन्सार लाग्नेछ। क्यानडा अमेरिकाको गाडी बजारको ठूलो हिस्सेदार हो।
अमेरिकी अर्थविदहरूले ट्रम्पको भन्सार नीति अमेरिकालाई नै प्रत्युत्पादक हुनसक्ने भनेर चिन्ता व्यक्त गरेका छन्।
नयाँ भन्सार नीति सार्वजनिक भएपछि विभिन्न मुलुकहरूले ट्रम्पको आलोचना गरेका छन्।
ट्रम्पले भने दशकौंदेखिको अन्यायपूर्ण व्यापार सुध्रिने र अमेरिका ठगिनबाट बच्ने बताएका छन्।
'यो नीतिले दशकौंदेखिको अन्यायपूर्ण व्यापार सुधार्छ र अमेरिकालाई ठगिनबाट जोगाउँछ। शून्य कर चाहनुहुन्छ? अमेरिकामै उत्पादन गर्नुस्,' उनले ट्रम्पले ह्वाइट हाउसबाहिर भने।
ट्रम्पको यो कदमले विश्वव्यापी व्यापारमा ठूलो प्रभाव पार्ने अनुमान गरिएको छ।
कुन देशलाई कति भन्सार शुल्क?
स्रोतः द न्युयोर्क टाइम्स| देश | भन्सार दर |
| युरोपियन युनियन | २०% |
| चीन | ३४% |
| जापान | २४% |
| भियतनाम | ४६% |
| दक्षिण कोरिया | २६% |
| ताइवान | २७% |
| भारत | २७% |
| स्वीट्जरल्याण्ड | ३२% |
| थाइल्याण्ड | ३७% |
| मलेसिया | २४% |
| इन्डोनेशिया | ३२% |
| इसराइल | १७% |
| दक्षिण अफ्रिका | ३१% |
| फिलिपिन्स | १८% |
| कम्बोडिया | ४९% |
| बंगलादेश | ३७% |
| इराक | ३९% |
| नर्वे | १६% |
| भेनेजुयला | १५% |
| नाइजेरिया | १५% |
| नाइजेरिया | १४% |
| गुयना | ३८% |
| पाकिस्तान | ३०% |
| निकारगुआ | १९% |
| जोर्डन | २०% |
| श्रीलंका | ४४% |
| अल्जेरिया | ३०% |
| कजाखस्तान | २७% |
| एंगोला | ३२% |
| लिबिया | ३१% |
| ट्युनिसिया | २८% |
| कोट दि आइभेरी | २१% |
| सर्बिया | ३८% |
| लाओस | ४८% |
| म्याडागास्कर | ४७% |
| म्यानमार | ४५% |
| बोत्सवाना | ३८% |
| कंगो | ११% |
| नामिबिया | २१% |
| फिजी | ३२% |
| क्यामरून | १२% |
| लिशेनस्टेन | ३७% |
| ब्रुनाई | २४% |
| लिसोथो | ५०% |
| मरिसस | ४०% |
| मोजाम्बिक | १६% |
| बोस्निय एन्ड हर्जगोभिना | ३६% |
| नर्थ म्याकेडोनिया | ३३% |
| जाम्बिया | १७% |
| मोल्दोभा | ३१% |
| इक्वेटोरियल गिनिया | १३% |
| चाड | १३% |
| जिम्बावे | १८% |
| रियुनियन | ३७% |
| मलवी | १८% |
| भानुआटा | २३% |
| सिरिया | ४१% |
| सेन्ट पियरी एन्ड मिकेलन | ५०% |
| नरफोल्क आइल्याण्ड | २९% |
| फल्कल्याण्ड आइल्याण्ड | ४२% |
| नाउरू | ३०% |
