नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड' ले पूर्वराजा ज्ञानेन्द्र शाहले दुर्गा प्रसाईंलाई 'जनकमान्डर' तोकेपछि हिंसा, आगजनी र लुटपाट भएको टिप्पणी गरेका छन्।
नवराज सुवेदी नेतृत्वको 'संयुक्त जनआन्दोलन समिति' ले प्रसाईंलाई जनकमान्डर तोकेको थियो।
‘ज्ञानेन्द्र शाहलाई सबभन्दा मनपर्ने मान्छे, जसलाई प्रदर्शन र सभाको नेतृत्व दियो चिन्नुहुन्छ तपाईंले? दुर्गा प्रसाईं हावा। एउटा हावा हो भन्ने सबैलाई थाहा छ,’ अनेमसंघ क्रान्तिकारी लुम्बिनीले बुधबार गरेको कार्यक्रममा बोल्दै प्रचण्डले भने, ‘दुर्गा प्रसाईंलाई त के भन्नु छ र, ज्ञानेन्द्रको बुद्धि। के बुद्धि भएको मान्छे होलान्, त्यस्तालाई बनाउन हुन्छ कमाण्डर?’
राजसंस्था पुनर्स्थापनाका लागि भन्दै चैत १५ गते तीनकुने क्षेत्रमा भएको तोडफोड, आगजनी र लुटपाट सबै जनताले देखेको पनि उनले बताए।
तीनकुनेमा चैत १५ गते दुई जनाको मृत्यु भएको थियो।
भिडिओ:
