नेपाली कांग्रेसका महामन्त्री गगन थापाले महाधिवेशन सकेसम्म छिटो गर्न सभापति शेरबहादुर देउवालाई आग्रह गरेको बताएका छन्।
उनले सकेसम्म २०८२ सालदेखि नै अधिवेशन प्रारम्भ गरिने र ०८३ को सुरूसम्म १५ औं महाधिवेशन भइसक्ने बताए।
बुधबार रूपन्देही क्षेत्र नम्बर ५ को क्षेत्रीय सम्मेलनमा बोल्दै महामन्त्री थापाले भने, ‘०८२ साल लाग्न लाग्यो, सके ०८२ मै नभए पनि ०८३ को प्रारम्भमै महाधिवेशन हुन्छ, सकेसम्म छिटो महाधिवेशन गरौं भनेर सभापतिलाई भनेका छौं, किनकी २०८४ मा त चुनाव आउँछ।’
कांग्रेसले २०७८ मंसिरमा १४ औं महाधिवेशन गरेको थियो। चार वर्षको अन्तरालमा महाधिवेशन गर्नुपर्ने कांग्रेसको विधानमा उल्लेख छ।
तर विधानअनुसार नै विशेष परिस्थिति देखाएर सभापतिले एक वर्ष कार्यकाल थप गर्न सक्छन्।
