नेकपा (माओवादी केन्द्र) निकट प्रेस सेन्टरका नवनिर्वाचित पदाधिकारीहरूले अध्यक्ष पुष्पकमल दाहाल 'प्रचण्ड'लाई भेटेका छन्।
मंगलबार बिहान अध्यक्ष प्रचण्डलाई भेट्न नवनिर्वाचित पदाधिकारीहरु खुमलटार पुगेका थिए।
अध्यक्ष प्रचण्डले नवनिर्वाचित पदाधिकारीहरूलाई बधाई ज्ञापन गरे।
प्रेस सेन्टरको पाँचौं महाधिवेशन अन्तर्गत सोमबार भएको निर्वाचनबाट कमल गिरी अध्यक्ष चुनिएका छन्।
सुरेशचन्द्र अधिकारी वरिष्ठ उपाध्यक्ष निर्वाचित हुँदा लक्ष्मण खड्का, विवेक गौतम, रामसिंह ठगुन्ना, दीपक श्रेष्ठ, शान्ता अधिकारी, मनोज घर्ती मगर उपाध्यक्ष निर्वाचित भए।
महासचिवमा मनोज घर्ती निर्वाचित भएका थिए। उपमहासचिवमा ज्ञानप्रसाद पौडेल, बुद्ध लोप्चन, हर्कबहादुर विक, लक्ष्मी आचार्य, अनिल मिश्र निर्वाचित भए।
त्यस्तै सुरेन्द्र चालिसे, सन्तोष देउवा, अन्जली थापा, अवतार राई, दिपेन्द्रकुमार राई, सुनिता बराल, मीनकुमार दाहाल, दिपक भट्टराई, मानसिंग विक, गणेश कञ्चन भारती, राजेन्द्र प्रसाद अवस्थी, नवराज दाहाल, केशव भूल, नन्दलाल तिवारी सचिव निर्वाचित भएका छन्।
कोषाध्यक्षमा वसन्त गिरी निर्वाचित भएका भएका छन्।
