संघीय संसदको दुवै सदनको बैठक सोमबार बस्दैछ।
आइतबार संसदमा सत्तापक्ष र प्रतिपक्षी दुवै पक्षले हो-हल्ला गरेपछि बैठक स्थगित भएको थियो।
सभामुख देवराज घिमिरेल बैठक केही बेरका लागि स्थगित गरी दलहरूसँग छलफल गरे पनि सहमति जुट्न नसक्दा आइतबारको बैठक नै स्थगित गरी सोमबारका लागि डाकिएको थियो।
राष्ट्रिय सभामा पनि विरोध जारी रहँदा बैठक स्थगित भएको थियो।
सोमबार ११ बजे प्रतिनिधि सभा र सवा ११ बजे राष्ट्रिय सभा बैठक बस्ने तय भएको छ।
सोमबार सार्वजनिक बिदा भए पनि बैठक बस्न लागेको हो।
सरकारले ल्याएको प्रतिस्थापन विधेयक पारित गर्नुपर्ने आज अन्तिम दिन हो। प्रतिनिधि सभाले पारित गरी राष्ट्रिय सभामा ती विधेयकहरू पठाइएका छन्।
राष्ट्रिय सभाले सैद्धान्तिक छलफल पनि गरिसकेको छ। अब पारित गर्नमात्रै बाँकी छ।
राष्ट्रिय सभाबाट पारित भएको सूचना प्रतिनिधि सभामा जानकारी गराइएपछि ती विधेयकहरू पारित हुन्छन् र राष्ट्रपतिले प्रमाणिकरण गरेपछि ऐनको रूपमा लागु हुनेछ।
-1720763016-1738459133.jpeg)
