म्यानमारमा भूकम्पमा मृत्यु हुनेको संख्या एक हजार नाघेको छ।
शुक्रबार दिउँसो राजधानी नेपिडो आसपास केन्द्रबिन्दु भएर गएको ७.७ म्याग्नेच्युडको भूकम्पमा परी मृत्यु हुनेको संख्या १००४ पुगेको बिबिसीले जनाएको छ।
२ हजार ३७६ जना गम्भीर घाइते भएका छन्।
भूकम्पले भत्काएका घरहरूले मानिसहरू पुरिएको बताइएको छ। उनीहरुलाई भग्नावशेषबाट उद्धार प्रयास भइरहेको बताइएको छ।
राजधानी नेपिडो र मन्डालेमा भूकम्पले सयौं घरहरूमा क्षति पुगेक छ।
उद्धार कार्य चलिरहेका कारण मृत्यु हुनेको संख्या अझै बढ्न सक्ने अन्तर्राष्ट्रिय सञ्चारमाध्यमहरूले जनाएका छन्।
रातको समयमा मुख्य मुख्य सहरहरूमै बिजुली अवरूद्ध भएकाले समयमै उद्धार हुन नसकेको पनि बताइएको छ। त्यसले पनि मृत्यु हुनेको संख्या बढ्न सक्ने आकलन छ।
केही ठाउँहरुमा भूकम्पले क्षति पुगेका घरहरू बिस्तारै बिस्तारै भत्किइरहेको पनि बताइएको छ
भूकम्पले थाइल्याण्डमा पनि क्षति पुगेको छ।
बैंककमा निर्माणधीन ३० तले भवन ढल्दा त्यहाँ कार्यरत मजदुरहरू पुरिएका छन्। तीमध्ये केही मजदुरहरू अजै जिवितै रहेको र उद्धारको प्रयत्न भइरहेको बिबिसीले उल्लेख गरेको छ।
शुक्रबार दिउँसो तीन बजे ७.७ म्याग्नेच्युडको भूकम्प गएपछि ६.२ म्याग्नेच्युडको अर्को परकम्प गएको थियो।
