प्रधानमन्त्री केपी शर्मा ओलीले आउँदो १८ गते प्रतिनिधि सभामा सम्बोधन गर्ने भएका छन्।
थाइल्याण्डमा आयोजना हुन लागेको बिमस्टेक सम्मेलनमा सहभागिताका विषयमा प्रधानमन्त्री ओलीले प्रतिनिधि सभामा जानकारी गराउन लागेका हुन्।
ओलीले सोही क्रममा नेपाल विद्युत प्राधिकरणका कार्यकारी निर्देशक कुलमान घिसिङलाई पदमुक्त गरिएको विषयमा समेत जानकारी गराउने भएका छन्।
प्रमुख प्रतिपक्षी दल नेकपा माओवादी केन्द्र सहितका प्रतिपक्षी दलहरूले कुलमान घिसिङलाई पदमुक्त गरिएको विषयमा सदनमा जबाफ माग गर्दै आएका छन्।
प्रधानमन्त्री ओलीले सदनमा सम्बोधन गर्ने जानकारी नेकपा एमाललेका प्रमुख सचेतक महेश बर्तौलाले सभामुखसहित दलका सचेतकहरुको बैठकमा जानकारी दिएका हुन्।
बर्तौलाले प्रधानमन्त्रीले १८ गते सबै विषयमा टिप्पणी गर्ने उल्लेख गर्दै बैठक सुचारू गराउन आग्रह गरेका थिए। तर प्रमुख प्रतिपक्षी दल नेकपा माओवादी केन्द्रले प्रधानमन्त्रीको जबाफका लागि सभामुखले रूलिङ गर्नुपर्ने माग गरेका थिए।
नेकपा एमालेले सरकारलाई रूलिङ गर्ने कुरामा सहमत हुन सक्ने भए पनि प्रधानमन्त्रीकै नाममा रूलिङ हुन नहुने धारणा राखेका थिए।
प्रधानमन्त्रीले संसदमा बोल्ने तय भएपछि आजका लागि डाकिएको प्रतिनिधि सभाको बैठक स्थगित भएको छ।
-1742456079.jpeg)
