नेपाल समाजवादी पार्टी (नयाँ शक्ति) का अध्यक्ष बाबुराम भट्टराईले वैकल्पिक राजनीति भनेको नयाँ बीऊ रोपेर नयाँ फल फलाउनु रहेको बताएका छन्।
पार्टीको लुम्बिनी प्रदेशले बुधबार गरेको कार्यक्रममा बोल्दै भट्टराईले भने, ‘वैकल्पिक राजनीति भनेको पुरानो बाली लगाउनु होइन, बरू नयाँ बीऊ रोपेर नयाँ फल फलाउनु हो।’
नयाँ सोचका साथ राजनीति गर्नुपर्ने उनले बताए।
कार्यक्रममा बोल्दै भट्टराईले स्थिर सरकारको अपरिहार्यता जोड दिए।
शिक्षा प्रणालीको अप्रतिफल, बेरोजगारी, र विदेशी निर्भरता हटाउनका लागि दूरगामी सोचयुक्त नीति निर्माणको आवश्यकता रहेको उनको भनाइ छ।
उनीहरूले हालको अस्थिर राजनीतिक परिवेशले नेपालको भविष्यलाई गम्भीर चुनौती सिर्जना गर्ने बताए।
