नेकपा (माओवादी केन्द्र)को हुलाकी राजमार्ग केन्द्रित तराई-मधेस जागरण अभियान बिहीबारदेखि सुरू हुने भएको छ।
फागुन १२ गतेदेखि झापाको कचनकबलबाट सुरू भएको अभियान २५ गतेदेखि स्थगित भएको थियो।
स्थगित भएको अभियान बिहीबारदेखि सुरू गर्न लागिएको माओवादी केन्द्रका प्रवक्तासमेत रहेका उपाध्यक्ष अग्नी सापकोटाले जानकारी दिए।
कनचनकलबाट बारा पुगेर स्थगित भएको अभियान भोलिदेखि बाराबाटै सुरू हुने उनले बताए।
त्यसका लागि बुधबार बेलुकासम्म नेताहरू काठमाडौं पुगिसक्नेछन्।
अध्यक्ष पुष्पकमल दाहाल 'प्रचण्ड' चितवनमा छन्। उनी चितवनबाटै बारा पुग्नेछन्।
'काठमाडौंमा भएका नेताहरू पनि बेलुकीसम्म बारा पुग्ने र भोलिदेखि अभियान सुरू गर्ने तयारी छ,' सापकोटाले भने।
बारा, पर्सा र चितवनमा अभियान सकेर माओवादी पुनः काठमाडौं फर्कने त्यसको केही दिनमा गण्डक क्षेत्र प्रवेश गर्ने सापकोटाले बताए।
