सिरियामा सेना र अपदस्त राष्ट्रपति बसर अल असदलाई समर्थन गर्ने सशस्त्र समूहबीच चर्किएको द्वन्द्वमा एक हजार भन्दा बढीको मृत्यु भएको छ।
गत सातादेखि भड्किएको द्वन्द्वमा अहिलेसम्म एक हजार जनाभन्दा बढीको मृत्यु भएको अमेरिकी पत्रिका द न्युयोर्क टाइम्सले जनाएको छ।
मारिनेहरूमा ७०० जना भन्दा बढी सर्वसाधारण मात्रै रहेको सन् सन् २०११ देखि बेलायतमा रहेर सिरियाली द्वन्द्वको अनुगमन गर्दै आएको सिरियन अब्जरभेटरी फर ह्युमन राइट्सले जनाएको छ।
यसलाई असदले अपदस्त भएयताकै हिसात्मक घटना भनेका छन्।
अधिकांश सरकार पक्षले मारेको पनि उक्त संस्थाको दाबी छ। असदलाई अपदस्त गरेपछि आफूलाई अन्तरिम राष्ट्रपति घोषणा गरेका अल शाराले देशभित्र असद समर्क लडाकू समूहमा रहेकाहरूलाई खोजिरहेको छ।
लताकिया र टार्टस प्रान्तका गाउँहरूमा सरकारी सेनाले ने ड्रोन, ट्यांक र तोपले आक्रमण गरेको न्युयोर्क टाइम्सको समाचारमा उल्लेख छ।
सिरियाको रक्षा मन्त्रालयका प्रवक्ता हसन अब्दुल घानीले सरकारी सेनाले अपदस्थ असद शासनप्रति वफादार सशस्त्र लडाकुहरूको खोजी ग्रामीण इलाकामा गरिरहेको बताएका छन्।
उनले अन्य क्षेत्रहरूमा सरकारी सेनाले अपदस्थ शासनको सेनासँग सम्बद्ध सशस्त्र समूहहरूको खोजी गरिरहेको बताएको छ।
राष्ट्रपति अल शाराले शान्त र एकताको लागि अपील गरेका छन्। उनले घटनाको अनुसन्धानका लागि छानबिन समिति गठन गर्ने पनि प्रतिबद्धता व्यक्त गरेका छन्।
विद्रोहपछि गत मंसिरमा राष्ट्रपति बसर अल असद देश छाडेर भागेका थिए।
असद भागेपछि उनीविरूद्ध लडेका विद्रोहीमध्ये सबैभन्दा बलियो हयात तहरिर अल-शामको नेतृत्वक गरेका शाराले एक महिनाअघि मात्रै आफूलाई अन्तरिम राष्ट्रपति घोषणा गरेका थिए।
