पूर्वराजा ज्ञानेन्द्र शाह आइतबार पोखराबाट काठमाडौं आउँदा राप्रपा र राप्रपा नेपालसहितका नेता तथा कार्यकर्ताहरूले स्वागत गरेका छन्।
राष्ट्रिय झन्डा, पूर्वराजा शाहको तस्बिरसहित उनीहरूले त्रिभुवन अन्तर्राष्ट्रिय विमानस्थलको गेटबाट पूर्वराजालाई स्वागत गरेका हुन्।
यो भिडमा एउटा फरक फोटो पनि देखियो- भारतको उत्तर प्रदेशका मुख्यमन्त्रीसमेत रहेका भारतीय जनता पार्टी (भाजपा) का नेता योगी आदित्यनाथको।
योगी आदित्यनाथको फोटोमुनि 'राजसंस्था पुनर्स्थापना गरौं, हिन्दुवादी प्रदीपविक्रम राणा' लेखिएको थियो।
पूर्वराजा शाहको स्वागत कार्यक्रममा भारतीय मुख्यमन्त्री आदित्यनाथको फोटो देखिएपछि यसलाई लिएर सामाजिक सञ्जालहरूमा चर्चा भएको छ।
पूर्वराजा र योगी आदित्यनाथबीच विगतमा भारतमा पटकपटक भेट भएको थियो।
