प्रतिपक्षी दल राष्ट्रिय स्वतन्त्र पार्टी (रास्वपा)का सांसद मनिष झाले टिपरमा स्थानीय नेताको लगानी भएका कारण नियम पालना गराउने विषयमा सरकार कमजोर देखिएको बताएका छन्।
शुक्रबार प्रतिनिधि सभा बैठकमा सांसद झाले नेता र ठेकेदारहरूको लगानी हुने त्यस्ता टिपरहरू निषेधित सडकबाट पनि गुडे पनि नियमनको सबालमा सरकार कमजोर देखिएको बताएका हुन्।
'अनुमति नभएको सडकमा पनि जबरजस्ती गुडाउँछन् किनकी स्थानीय नेताहरू र ठेकेदारहरूको लगानी भएकाले सरकार र राज्य पनि कमजोर हनु गएका छन्,' उनले भने।
त्यसकारण पनि दुर्घटना र त्यसमा मृत्यु हुनेको संख्या बढेको उनले बताए।
दुर्घटना हुने अर्को कारण चालकलाई कम तलबको व्यवस्था पनि रहेको उनको भनाइ छ
टिपर चालकहरुलाई तलब कम दिइन्छ र प्रतिटिपको भत्ता दिइन्छ। त्यसैल धेरै ट्रिप भ्याउने हतारोमा उनीहरूको दुर्घटना हुन्छ।,' सांसद झाले भने।
उनले दुर्घटना कसरी नियन्त्रण गर्न सकिन्छ भनेर समाधान खोज्न सरकारसँग आग्रह गरे।
