नेपाली कांग्रेसका नेतासमेत रहेका उपप्रधानमन्त्री तथा सहरी विकास मन्त्री प्रकाशमान सिंहले गठबन्धन सरकार भएकोले सबै दलका कुरा सुनेर अघि बढ्नुपर्ने अवस्था रहेको बताएका छन्।
भैरहवामा पार्टीको केन्द्रीय नीति अनुसन्धान तथा प्रशिक्षण प्रतिष्ठानले प्रतिनिधि सभा क्षेत्रीय सभापतिहरूलाई आयोजना गरेको प्रशिक्षणमा बोल्दै सिंहले भने, ‘याे गठबन्धन सरकार हाे। सबै कुरा कांग्रेसले भनेकाे मात्रै हुँदैन। गठबन्धनमा रहेका सबै दलले केही न केही लचक हुनुपर्ने अवस्था छ।’
उनले विधि र प्रक्रियाअनुसार विकासका याेजनाहरू माग गरे सहज हुने पनि बताए।
उपप्रधानमन्त्री सिंहले याेजना छनाैट निश्चित विधि हुने भन्दै त्यसलाई ध्यान दिएर याेजना माग गर्नुपर्नेमा बताएका हुन्।
बजेट निर्माण गर्दा पार्टीका विभिन्न तहका समिति, जनप्रतिनिधि सबैकाे राय सुझाव समेटेर छलफलबाटै नयाँ याेजना छनाैट हुने उनको भनाइ थियो।
