नेकपा (माओवादी केन्द्र) का अध्यक्ष पुष्पकमल दाहालले पूर्वराजा ज्ञानेन्द्र शाहप्रति लक्षित गर्दै इतिहासको रछ्यानमा मिल्क्याइएका तत्वहरु सल्बलाएको टिप्पणी गरेका छन्।
शनिबार काठमाडौंमा आयोजित एक कार्यक्रमलाई सम्बोधन गर्दै अध्यक्ष प्रचण्डले त्यस्ता तत्वहरू सल्बाउनुमा वर्तमान सरकारको कमजोरी मुख्य कारण भएको पनि बताए।
सरकारको काम कारबाही दिन प्रतिदिन नराम्रो बन्दै जाँदा त्यस्ता तत्वहरू सल्बलाउँदै गएको उनले बताए।
'अझ त्यसमा पनि इतिहासमा इतिहासको एउटा रछ्यानमा मिल्क्याइएका तत्वहरु पनि फेरि एकचोटी पुनरागमन हुने हो की भन्ने दिवा स्वप्नमा छन् र त्यस खालका प्रचारबाजीहरु पनि भइरहेका छन्,’ उनले भने। (न्युज एजेन्सी नेपाल)
