नेपाली कांग्रेसले ‘राष्ट्र निर्माणमा युवाको योगदान र तथ्यमा आधारित प्रचार अभियान’ गर्ने भएको छ।
यही फागुन ९ गतेदेखि २१ गतेसम्म अभियान सञ्चालन गर्ने कांग्रेसको तयारी छ।
पार्टीको सूचना, सञ्चार तथा प्रचार विभागले केन्द्रीय कार्यालय सानेपामा पत्रकार सम्मेलन गर्दै सात वटै प्रदेशमा अभियान सञ्चालन गर्ने बताएको हो।
प्रचार विभागका सचिव गोपालकुमार झाले सात प्रदेशका राजधानीहरूमा गरिने अभियानले उद्देश्य अहिले देशमा देखिएको निराशा चिर्नु रहेको बताए।
देशमा भएका सकारात्मक कुरामाथि नकारात्मक भाष्य खडा गरेर भए भरका सकारात्मक कुरालाई ढाकछोप गरिएकाले उक्त भ्रम चिर्न अभियान सञ्चालन गर्न लागिएको उनले जानकारी दिए।
पत्रकार हरिबहादुर थापा र जगत नेपालले अभियानमा दुई वटा कार्यपत्र पेस गर्नेछन्।
अभियानअन्तर्गत फागुन ९ गते विराटनगर, फागुन १० गते जनकपुर, फागुन १७ गते पोखरा, फागुन १८ गते बुटवल, फागुन २० गते सुर्खेत र २१ गते धनगढीमा कार्यक्रम हुने उनले जानकारी दिए।
(न्युज एजेन्सी नेपाल)
