प्रधानमन्त्री केपी शर्मा ओलीले बुधबार एक कार्यक्रममा माधव नेपालप्रति कटाक्ष गरेका छन्।
उनले एकीकृत समाजवादीका अध्यक्ष माधव नेपालले प्रधानमन्त्री हुने 'खयाली पुलाउ' पकाएको भन्दै व्यंग्य गरे।
उनले भने, 'एक जना नेताले भनेको सुनेँ, म प्रधानमन्त्री हुन्छु भनेर कसै-कसैको मन भतभती पोलेको छ, धिक्कार होस् तिनलाई रे! उनले प्रधानमन्त्री हुने सपना कहाँ देखे? कहिले देखे? कसरी देखे? हिँड्दा हिँड्दै देखे कि बसेको ठाउँमा देखे? सुत्या बेला देखे कि राति देखे? दिउँसै देखे कि?'
'उनी आफू प्रधानमन्त्री हुन्छु भनेर त्यतिविधि ढुक्क। त्यस्तो लाग्छ के कहिले कहिले मान्छेहरूलाई,' ओलीले भने, 'अब यो खयाली पुलाउ पकाउनेहरूलाई पकाउन दिऊँ।'
