राष्ट्रिय स्वतन्त्र पार्टी (रास्वपा) का सांसद मनिष झाले सबै राजनीतिक दलका नेताहरूको सम्पत्ति शुद्धीकरण गर्नुपर्ने बताएका छन्।
मंगलबारको प्रतिनिधि सभा बैठकमा बोल्दै सांसद झाले बहुदलीय व्यवस्था ल्याउनुमा शीर्ष राजनीतिक दलका नेताहरूको योगदान रहे पनि त्यसको फाइदा उठाएर अकुत सम्पत्ति आर्जन गरेको आरोप लगाए।
‘हामी आज निर्दलीय व्यवस्थाबाट बहुदलीय आउँदै गर्दा उहाँहरूको योगदान छ। त्यसप्रति सम्मान छ तर वर्षौंसम्म जेल बसेर बाहिर आउँदा एकैचाटि दरबार कसरी बन्यो? व्यापार कहाँ गरियो? व्यवसाय त कुनै पनि थिएन। जेल बसेर बाहिर आएको केही महिनामै नेताहरूको दरबार बन्न थाल्यो यहाँ त्यसको छानबिन गर्नुपर्दैन?,’ उनले प्रश्न गरे।
उनले संसद संख्याको आधारमा नभई सिद्धान्तको आधारमा चल्ने बताए।
(न्युज एजेन्सी नेपाल)
