नेपाली कांग्रेसका सांसद राजेन्द्र बजगाईले जरूरी सार्वजनिक महत्त्वका प्रस्ताव दर्ता गरेका छन्।
बजगाईले सोमबार तीन वटा प्रस्तावहरू प्रतिनिधि सभामा दर्ता गरेका हुन्।
दुर्घटना न्यूनीकरणका लागि मोटरसाइकलका पछाडि सवार व्यक्तिले अनिवार्य रूपमा हेलमेट लगाउनुपर्ने प्रस्ताव दर्ता भएको हो।
यो प्रस्तावको समर्थकमा कांग्रेसकै सांसदहरू उदयशमशेर राणा, राजेन्द्रकुमार केसी र सञ्जयकुमार गौतम छन्।
यस्तै यार्सागुम्बा संकलनमा बालश्रम निषेध सार्वजनिक महत्वको प्रस्ताव दर्ता भएको बजगाईले बताए। यो प्रस्तावको समर्थकमा कांग्रेसकै सांसदहरू सुरेन्द्रराज आचार्य, चन्दा चौधरी र कान्तिका सेजुवाल छन्।
साथै मानव-जंगली जनावर द्वन्द्व निवारण सार्वजनिक महत्व प्रस्ताव दर्ता भएको छ। यो प्रस्तावको समर्थकमा राजेन्द्रकुमार केसी, उदय शम्शेर जबरा छन्।
