नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड' ले प्रधानमन्त्री केपी शर्मा ओली एमालेको नेतृत्वमा रहुन्जेलसम्म वामपन्थी एकता सम्भव नरहेको बताएका छन्।
जनकपुरधाममा सोमबार पत्रकारहरूसँग कुराकानी गर्दै अध्यक्ष दाहालले नेपालमा तत्काल कम्युनिष्ट एकता सम्भव नरहेको बताएका हुन्।
‘एमालेको नेतृत्वमा केपीजी रहँदासम्म नेपालका कम्युनिष्ट एकता, वामपन्थी एकता सम्भव छैन,’ अध्यक्ष दाहालले भने।
अध्यक्ष दाहालले सरकारमा आफूहरूको ध्यान नरहेको बताए।
प्रधानमन्त्री ओली अहिलेको आन्दोलन, परिवर्तन बर्बाद गर्न र संविधान खारेज गर्न चाहने व्यक्ति भएको उनको आरोप छ।
मधेसी जनताको लागि दुई पटक संसदमा संविधान संशोधनको प्रश्ताव गर्दा प्रधानमन्त्री ओलीले नै रोकेको उनले बताए।
साथै उनले दुई तिहाइको अहिलेको सरकार अध्यादेशको बाटो हिँड्न नहुने बताए। (न्युज एजेन्सी नेपाल)
यो पनि; जसपा नेपाल सरकारमा जान्छ जस्तो लाग्दैन, त्यसो भए राष्ट्रिय सभाबाट अध्यादेश स्वीकृत हुँदैन: प्रचण्ड
