नेपाली कांग्रेसका प्रवक्ता प्रकाशशरण महतले पाथीभरामा त्यहाँको परम्परा र संस्कृतिलाई सम्मान तथा संरक्षण गर्ने गरी केबलकार निर्माण गरिएमा राम्रो हुने बताएका छन्।
संघीय संसद भवन नयाँ बानेश्वरमा शुक्रबार पत्रकारहरूसँग कुराकानी गर्दै प्रतिनिधि सभा सांसदसमेत रहेका महतले भने, ‘त्यहाँको सबै परम्परा र संस्कृतिको सम्मान र संरक्षण गरेर केबलकार बन्यो भने राम्रो हुन्छ। त्यसको लागि सरकार लागि रहेको छ। सबै कुरा शान्तीपूर्ण संवादको माध्यमबाट टुंग्याउनुपर्छ। उहाँहरूका जायज गुनासालाई सरकारले सम्बोधन गर्नुपर्छ।’
यो पनि: पाथीभरा भनिने मुक्कुम्लुङमा केबलकारको पक्ष र विपक्षमा उभिनेहरूका तर्क
उनले ताप्लेजुङको पाथीभरा मन्दिर पुग्नका लागि केबलकार बनाउने विषयमा भएको विवाद शान्तिपूर्ण संवादबाट टुंग्याउनुपर्ने पनि बताए।
पाथीभरामा केबलकार निर्माण गर्न सके त्यहाँको आर्थिक गतिविधि चलायमान हुने उनको भनाइ छ।
(न्युज एजेन्सी नेपाल)
