प्रधानमन्त्री केपी शर्मा ओलीले आइटी क्षेत्र दैनिक जीवनको महत्वपूर्ण अंग बनिसकेको बताएका छन्।
काठमाडौंमा बिहीबार नेपाल चेम्बर एक्स्पोका शुभारम्भ गर्दै प्रधानमन्त्रीले आइटी क्षेत्र व्यापार, व्यवसायदेखि हरेक कुरामा महत्त्वपूर्ण र अभिन्न अंग बनिसकेको बताए।
‘अब आइटी सेक्टर चर्चाको मात्रै होइन, हाम्रो व्यवसायको, हाम्रो दैनिक जीवनको, हरेक चिजको एउटा अभिन्न र महत्त्वपूर्ण अंग बनिसकेको छ,’ उनले भने।
प्रधानमन्त्री ओलीले आइटी क्षेत्रलाई निर्यात व्यापारको रूपमा अघि बढाउन सकिने हिसाबले सरकार अघि बढेको पनि बताए।
(न्युज एजेन्सी नेपाल)
