हमासले छाड्यो तीन बन्धक, इसराइलले ९० कैदी

सेतोपाटी संवाददाता

माघ ७

इसराइल हमास युद्धविरामको पहिलो दिन तीन गजाबाट तीन इसराइली बन्धकमुक्त भएका छन्।

गजामा आइतबार युद्धविराम भएपछि गएराति हमासले तीन इसराइलीलाई बन्धकमुक्त गरेको हो। बन्धकमुक्त हुने तीनै जना इसराइली महिला छन्।

बन्धकमुक्त हुनेमा २४ वर्षीय रोमी गोनेन, ३१ वर्षीया डोरन स्टेनब्रिचर र २८ वर्षीया इमिली दमारी छन्।

गत वर्षको अक्टोबर ७ मा रोमीलाई नोभा म्युजिक फेस्टिभल भइरहेको ठाउँबाट हमासले बन्धक बनाएर गजा पुर्‍याएको थियो। उनी बन्धकमुक्त हुने बारेमा इसराइली अधिकारीहरूले रोमीको परिवारलाई जानकारी गराइसकेका छन्।

स्टेनब्रिचर भेटेनरी नर्स हुन्। इसराइल र गजाको सिमानाको किब्बुज केफर अजासस्थित उनकै अपार्टमेन्टबाट उनलाई हमासले बन्धक बनाएर लगेको थियो। गत जनवरीमा उनी हमासको बन्धकमा रहेको एउटा भिडिओ सार्वजनिक भएको थियो।

२८ वर्षीय दमारीलाई पनि काफरको अजास्थित उनकै घरबाट हमासले नियन्त्रणमा लिएर गजा पुर्‍याएको थियो। उनकी आमा म्यान्डी दमारीलेले छोरीलाई हातमा गोली लागेको, खुट्टामा गोलीको छर्रा लागेको थियो। हमासले आँखामा पट्टी बाँधेर कारमा बाँधेर गजा लगेको म्यान्डीले बताएकी थिइन्।

उनीहरू तीन जनालाई रेडक्रसले तेल अभिवस्थित चेम सेइबा मेडिकल सेन्टरमा पुर्‍याएको थियो। जहाँ उनीहरूका आफन्त र सयौं इसराइलीहरू स्वागतका लागि बसेका थिए।

रेडक्रसले इसराइललाई तीनै जनाको स्वास्थ्य सामान्य रहेको जानकारी दिएको छ।

इसराइलले पहिलो दिन ९० जना कैदीलाई छाडेको छ। कैदमुक्त हुनेहरूमा ६९ महिला र २१ किशोर छन्। उनीहरूलाई इसराइलले प्रमाणविना नै जेलमा राखेको भनिएको छ। उनीहरूको रिहाइपछि गजाको रमनुल्लाहमा जम्मा भएका प्लालेस्टिनीहरूले आतिसबासी गरेर खुशीयाली मनाएका थिए।

युद्धविरामको ४२ दिनमा हमासले ३३ जना बन्धक रिहा गर्नेछ भने इसराइलले झन्डै २ हजार प्यालेस्टिनी कैदीहरूलाई कैदमुक्त गर्नेछ।

यी हुन् बन्धकमुक्त हुने ३३ जनाः

१. लिरी अल्बैग

२. इट्जिक एल्गारत

३. करिना अरीवा

४. ओहद बेन अमी

५. एरियल बिबास

६. यार्डेन बिबास

७. केफिर बिबास

८. शिरी सिल्बरम्यान बिबास

९. अगम बर्जर

रोमी गोनेन